Zuko Ludaka, middel, "Global Mission Pioneer" op Driftsands in die Wes-Kaap, deel die Evangelie deur persoonlik ons Bybelskool lesse te versprei en weer in te samel van diegene wat dit nie kan bekostig om deur gewone pos die lesse te stuur nie. Hy maak gebruik van 'n fiets om van huis tot huis te ry. In die foto oorhandig Zuko een van sy studente 'n sertifikaat aan om te bewys dat sy die kursus voltooi het. Die diens het plaasgevind in 'n plaaslike skool klaskamer waar die Vuselela kerk hulle dienste hou. Die Bybelskoolhoof skenk aan die student 'n Xhosa Bybel. Bybel Instrukteur Joel Mgcotyelwa staan links.

Korrespondensie Bybelskool studente in Venda, Limpopo Provinsie, poseer met vreugde en wys hulle sertifikate.

Bessie Naude van Clanwilliam gee 'n S.V.P. Bybelskool sertifikaat aan een van haar studente, Gertie Koopman.

Deborah Nozipho Magwa is maar net 14 jaar oud. Toe ons Bybelinstrukteur, Seth Nhlapo, evangelistiese vergaderings in haar geboortedorp van Theunissen, Vrystaat gehou het, het Deborah belangstellend aandag geskenk en het ook die vraestelle vir die Bybellesse elke dag ingehandig. Toe sy van die Sabbat geleer het, het sy die ontdekking met haar pa, 'n bekende pastoor van 'n paar kerke in die dorp, gedeel. Pastoor Magwa het Seth ontbied en wou weet wat aangaan. Seth het met kalmte die Skrifverwysings met hom deurgegaan. Pastoor Magwa was geskok maar het onmiddelik die waarhede aanvaar, net soos Paulus die apostel op die pad na Damascus. Hy het sy dogter se doop bygewoon (links) gelei deur Leraar Ndaliso, en het nou die nuwe, klein gemeente van Adventiste elke Sabbat begin bywoon.

Leraar Eddie Appollis (links), leraar van die All Nations Kerk op Helderberg Kollege, moedig Helderberg Kollege studente, wat nie van ons geloof is nie, aan om by ons Bybelskool in te skryf om hulle 'n agtergrond van ons geloofbeginsels te verskaf. Heather Tredoux (Bybelskoolhoof) oorhandig hier sertifikate aan studente.

Hulp aan behoeftiges verleen: Wilma Anderson, Marie van Oudtshoorn and Teresa Wilke van Somerset-Wes het besluit om warm truie and sweetpakke vir kindertjies te brei om hulle teen die koue, klam Kaapse winter te help. Hulle het van die SVP personeel gevra om hulle te help om 'n gebied te identifiseer en ook hulle te vergesel. Dit was 'n vreugedevol, chaoties en wonderlike ondervinding.

Daar is baie werkloses op Colesburg. "Global Mission Pioneer" James Williams onderhou 'n a suksesvolle Bybelskool met 87 studente. Baie kinders van die dorpsgemeenskap woon Sabbatdienste in James & Virginia se woning by. Hulle waardeer die Sabbatmiddagete baie wat hulle elke week ontvang: twee toebroodjies en 'n koeldrank in die somer en twee toebroodjies en sop (lensies & groente) in die winter. Nontobeko Ndomile help met die verspreiding van die etes.

Albei matriek studente, Nontobeko Ndomile en Mbulelo Kafi is die eerste Sewendedag-Adventiste wat op Colesburg gedoop is. A blye Nontobeko klim uit die klein draagbare doopbad wat deur Leraar Mbaza (links agtergrond) gebring is. Leraar Mbaza het die doopdiens geneem.

Verheugde Colesburg kinders wys hulle Korrespondensie Bybelskool sertifikate. Al was die Kinderlesse in Engels, het James die moeilike dele in Xhosa vertaal soos hulle daarmee aangegaan het.

Hierdie kinders van Winburg, Vrystaat, het gereeld evangelistiese vergaderings bygewoon wat deur Bybelinstrukteur Seth Nhlapo aangebied is in 1999. Elke keer as ons Winburg besoek drom hulle saam rondom ons, gretig om deel te wees. Hierdie foto was in 2003 geneem.

Die Winburg kinders in 2002.

Eric and Wilma Odendaal met hulle skare kindertjies van St. Helenabaai ('n vissersdorpie op die Weskus). Die groepie het 'n jaar gevat om die Afrikaanse Kinderlesse te voltooi. Hierdie foto was op hulle "graduasiedag" (19 Julie 2003) op Vredenburg geneem. Wilma and Eric was met hierdie belonende taak bygestaan deur ander kerklede van die Vredenburg gemeente. Wilma en haar span helpers het ook met die hand die T-hemde vir die kinders geverf: voor staan "Stem van Profesie Bybelskool" en agterop staan "Vissers van Mense".

. "…'n Klein seuntjie sal hulle aanja…" Toe Seth Nhlapo die "Global Mission" evangelistiese vergaderings in 'n drievoudige tent op Theunissen, Vrystaat aangebied het, het hierdie outjie elke vergadering bygewoon. Sy woning was naby aan die tent geleë en elke aand het hy vir Seth se motor gesit en wag, en het dan gehelp met die indra van Bybels, gesangboeke en enige ander toerusting. Sy ma het hom mettertyd kom berispe: "Kom huis toe! Dit word nou laat!" Hy het geantwoord: "Ek leer van God en ons het nog nie die ligte afgeskakel nie, en ek moet nog help om die Bybels uit te dra."

Aaron Nangu (regs) van Alexandria, Oos-Kaap, het vir 'n geruime tyd die Bybel deur gelees op soek na die waarheid. Hy het by baie kerke besoek opgelê en hulle leerstellings bestudeer. Hy het uiteindelik 'n lidmaat en toe 'n pastoor van die Sionistiese kerk geword. Eendag het 'n dame hom 'n SVP inskrywingskaartjie gegee. Hy het ingeskryf en drie van ons Xhosa kursusse voltooi en doen huidiglik die Engelse DISCOVER kursus. In 2002 het hy besluit om 'n lid van die Sewendedag-Adventistekerk te word. Hy is tans die evangelisasie-leier van die Alexandria Sewendedag-Adventistekerk. In hierdie foto staan hy saam met Joel Mgcotyelwa, ons Xhosa Bybelinstrukteur. Dit is merkwaardig hoe trots Aaron is om 'n SVP wapen op sy lapel te dra.

In Augustus 2003 was die S.V.P. genooi om deel te neem in 'n "Onderwys Expo" by Canal Walk, 'n drukbesige winkelsentrum naby aan Kaapstad geleë. In hierdie foto verduidelik Valerie Petersen (links) alles omtrent die bedrywighede van ons Bybelskool. Joan Olivier (regs, staande) help 'n nuwe student om in te skryf.

In October 2006 het die direkteur, Leraar Ray Zeeman, 'n graduasie op Butterworth bygewoon by die Emmanuel Primêre Skool. 'n Helfde van die leerders wat gegradueer het het ons Kinderlesse gedoen, en die ander helfde het ons Ontdek lesse gedoen.

Die seremonie-meester, Mnr Nobert Mojah, open die seremonie, met (L tot R), Leraar Mark Solomon, Jeyg/Baanbreker Direkteur vir die Oos-Kaap in die Kaapse Konferensie; Leraar Ray Zeeman, SVP Direkteur; en Leraar Vatyana, die plaaslike SDA leraar te Butterworth.

Die graduate ontvang hulle S.V.P. sertifikate.

The S.V.P. Direkteur met die personeel van die Emmanuel Primêre Skool.

Op 02 November 2006, het 'n doopdiens plaasgevind by die Helderstroom Maksimum Gevangenis in die Wes-Kaap, waar tydens 23 gevangenes gedoop is. Leraar Zeeman, die S.V.P. direkteur, en van die S.V.P. personeel het bygewoon. Leraar Michael Sojola het Leraar Zeeman bygestaan met die doopdiens. Joel Mgcotyelwa, Xhosa Bybelinstrukteur by die S.V.P. het 'n lang tyd spandeer om hierdie kandidate voor te berei vir die doop.

Kandidate is onderdompel in die lendelam tog funksionele draagbare swembadjie. Joel Mgcotyelwa, middel, agter, in swart die jas, voer gesprek aan met kandidate.

'n Gevangene met 'n beseerde been word uit die swembad gehelp deur twee mede-gevangenes.

Na die doopdiens, sing die wedergebore gevangenes 'n vreugdevolle looflied aan die Here.