Brief van Moses ('n gevangene):

"...Ek wil u net bedank vir die lesse wat u aan my gestuur het, hulle bou my werklik geestelik op. Nou glo ek God bestaan wel. ...Ek is so trots om
u in kennis te stel dat ek binnekort 'n aktiewe lid van die Sewende-dag Adventiste kerk gaan wees."

Van Ilse in Worcester, Suid-Afrika (11 jr) - haar antwoord op die vraag "Jesus vra jou om hom te volg. Wat is jou antwoord op Sy groot liefde vir jou?":

"Ja, ja, ja! Ek sal hom met blydskap volg, met my hele hart, verstand en siel."

Briewe van 'n egpaar, Mnr & Mev Raboko, in Bloemfontein:

Van Edwin ('n gevangene): "Ek wil julle inrigting bedank vir al die harde werk wat hulle onderneem. Hulle het veranderings aan my lewe gebring, en ek hoop dat eendag as ek vrygelaat is sal ek die Woord kan meedeel... Mag God julle almal seën en baie meer sterkte gee om met die meedeel van God se Woord voort te gaan. Ek is trots om te sê dat ek nie meer leeg voel nie  -  daar  is  lewe,  hoop  en  lig."

Van Khanyisa op Langa (13 jr) - haar antwoord op die vraag "Hoe voel jy daaroor om 'n engel te hê
wat luister na alles wat jy sê, en alles sien wat jy doen?":
"Wel, ek is nie so seker nie. Ek voel rêrig spesiaal en gelief, maar dan voel ek ook sleg. Om te dink dat God spesiaal aan my 'n engel gegee het maar ek hou nog aan om te sondig? Ek is werklik geseën."

Van Bettine op Albermarle, Germiston: "Les 21 was 'n groot vertroosting vir my.
Ek het 'n seun, Bradley, gehad wat aan spierdistrofie gely het. Hy is 15 jaar gelede oorlede, op die ouderdom van agtien jaar. Al het ek nooit opgehou bid en in die Here vertrou nie, was ek destyds nie 'n toegewyde Christen nie. Al was ek nie daar vir die Here nie, was Hy altyd daar vir my. Hy het my bygestaan en die moed gegee om daardie beproewing deur te kom, en net voor Brad oorlede is, het ek die geleentheid gehad om hom te vertel dat die dood net soos slaap is, en dat daar niks is om te vrees nie. Ek het hom ook vertel dat wanneer hy van daardie slaap wakker word, sal hy Jesus sien, en hy sal gesond wees, en weer kan loop en hardloop.
Sedert sy dood, en oor die jare, het ek dikwels baie skuldig gevoel omdat ek hom nie meer van Jesus geleer het nie, en dat ek hom nie as 'n Sewende-dag Adventis laat
groot word het nie. Ek het dikwels gebid en vir die Here gevra om my daarvoor te vergewe, en ek het Hom ook gevra om 'n plek in Sy Koninkryk vir Bradley te gee.
Ek het die Here vertel dat ek my plek daar sou opgee, as Hy my net sou vergewe omdat ek nie vir Bradley in die ware weg van geregtigheid gelei het nie. Bradley was
'n onskuldige kind, sonder sonde.
Nou het ek die Here se versekering deur hierdie les ontvang dat my kind wel 'n plek
in Sy Koninkryk sal hê. Dit is iets wat my grootliks ontstel het, en was die onderwerp van baie van my gebede. Ek loof God vir die antwoord wat hy my deur hierdie les gestuur het. Nou kan ek hieroor tot rus kom, en voortgaan om my voor te berei om Jesus en my geliefdes op daardie Blye Opstandingsdag te ontmoet."

Van Benita op Gordonsbaai:

"Hierdie kursus is soos manna en pitkos vir elke dag."

Van Bianca op Brakpan (11 jr) - haar antwoord op die vraag "Jesus het gesê: 'Kyk, ek staan by die deur en Ek klop...' (Openbaring 3:20). Wat is jou antwoord op Sy aanbod om in jou hart te kom?":

"Kom in en sit by die tafel. Ek sal vir Hom sê ek hou van Hom (lief). Ek sal Hom vrae vra en vir Hom iets gee om te drink en eet."

Van Hilton, 'n gevangene:

"...Dit was as gevolg van die Bybelskool dat ek nader begin te begin te beweeg het
na God se Woord. En nadat ek u lesse sorgvuldig deurgegaan het, het ek altyd 'n verdere studie van die Bybel op my eie gedoen. Al my kwelpunte en twyfelings was een vir een verwyder. U instansie het my gelei om 'n sterk geloofoortuiging in Jesus op te bou - wat ek nie vir enige iets prys sal gee nie, dank die Here!
...Hier in die gevangenis - saam met my ander broers - is ons besig om God se laaste boodskap vir hierdie mensdom te verkondig - die Boodskap van die drie engele (Open. 14:1-3)