Goodwood Gevangeneskoor, onder die regie van Bewaarder Joey Springveldt, het 'n uitmuntende program opgevoer by die Parow Sewendedag-Adventiste kerk vroeg verlede jaar. Sedertdien is hulle toegelaat om by verskeie ander openbare funksies op te tree. Op 1 November het hulle by die Goodwood S.D.A. kerk gesing.

Die Minister van Korrektiewe Dienste, Mnr Ben Skosana, het twee van die Bybelskool personeellede (Heather Tredoux and Joel Mgcotyelwa) genooi om die Begroting Toespraak by die Nasionale Byeenkoms op 26 Mei 2003 by te woon. Joel kan staande gesien word saam met van die hoofde van gevangenisse en gevangeniskapelane net voor hulle die Parlementsgebou, Kaapstad, binnegegaan het.

Eugene TerreBlanche bid in die hofkamer op Potchefstroom op 13 November 2003. Sy prokureur, Gerrie Basson, is die man wat agter Eugene sit met sy hand op Eugene se skouer. Eugene dien tans 'n vonnis uit by Rooigrond Gevangenis vir poging tot moord. Hy het in die hof verskyn op 13 November op vyf verdere aanklagte van terrorisme. Hy het skuldig gepleit. Hy het 'n opgeskorte vonnis ontvang en soos ek verstaan beteken dit dat hy geen tronkstraf sal moet uitdien nie tensy hy 'n soortgelyke misdaad pleeg. In sy gebed het hy sy Skepper bedank vir sy genade wat "verder as wat 'n mens kan droom strek". Hy het God gevra dat al die soldate van die AWB, die PAC en die ANC vrygespreek word aangesien "die oorlog verby is." Hy het ook God gevra om die ver regse leiers en die leiers van die staat te help besef dat hierdie manne vrede moet maak en terugkeer huis toe na hulle gesinne. Eugene het pas die Afrikaanse vertaling van een van ons Bybelkursusse, NEW MILLENNIUM BIBLE COURSE, voltooi. Dit is nog nie gedruk nie.

SVP personeel (Heather links and Seloma, regs) besoek Martie TerreBlanche (middel) by haar woning op Ventersdorp. Heather, Seloma en Seth was op pad terug van die Tzaneen Landbouskou waar hulle 'n stalletjie vir die Bybelskool beman het. Martie het Eugene se handgeskrewe vertaling getik en het gesê: "Ek het baie geleer."